Юлдуз Усмонова - Бургутлар

Атрофимда на пасткаш на мард қолди

Юрагимда на орзу на дард қолди

Тоғларга тенг бардошимдан гард қолди

Мени кўкка олиб учинг бургутлар

Телба истак исён қилар танимда

Бир дардкаш ё‘қ, ҳабибим ё‘қ ёнимда

Жой қолмаган мендайларга заминда

Мени кўкка олиб учинг бургутлар



Бургутлар бургутлар

Мени кўкка олиб учинг бургутлар



Одил қушсиз эркингизни сотмаган

Мағрур қушсиз ўлаксага боқмаган

Ким ҳам сизга ҳавас қилиб ёнмаган

Мени кўкка олиб учинг, бургутлар

Имкон беринг осмонни бир кўрайин

Мовий кўкда зўр мўжиза туйайин

Ўлсам сиздек қуш қўлида ўлайин

Мени кўкка олиб учинг бургутлар



Бургутлар бургутлар

Мени кўкка олиб учинг бургутлар