Ulug'bek Shomurodov - Do'st (Artist)

Minnat yashiringan xizmatingizda,
Hushyor turish kerak suhbatingizda.
Xatar bor har bitta g`iybatingizda,
Charchamadingizmi soxtalikdan, ey do`st?

Xatar bor har bitta g`iybatingizda,
Charchamadingizmi soxtalikdan, ey do`st?

Azaldan deydilar, azaldan azal:
Nomard soxta do`stdan, mard dushman afzal.
Azaldan deydilar, azaldan azal:
Nomard soxta do`stdan, mard dushman afzal.

Havo yetmay qoldi havodan menga,
Oy ko`rinmay qoldi samodan menga.
Gunoh yasadingiz xatodan menga,
Charchamadingizmi soxtalikdan, ey do`st?

Azaldan deydilar, azaldan azal:
Nomard soxta do`stdan, mard dushman afzal.
Azaldan deydilar, azaldan azal:
Nomard soxta do`stdan, mard dushman afzal.

Zo`raki jilmayib yonimga kelmang,
Sizga mehribonman, hamdardman, demang!
Iltimos, hech qachon g`amimni yemang,
Charchamadingizmi soxtalikdan, ey do`st?

Men charchadim rosti, siz ham tin oling,
Niqobni yangilang, eskisin soting.
Ikki xil yuzisiz bitta hayotning,
Charchamadingizmi soxtalikdan, ey do`st?

Azaldan deydilar, azaldan azal:
Nomard soxta do`stdan, mard dushman afzal.
Azaldan deydilar, azaldan azal:
Nomard soxta do`stdan, mard dushman afzal.