СЫЙМЫК БЕЙШЕКЕЕВ - А БАЛКИМ

Сабындай жакшы ырымдын,
Сагынтып... жакшы кылдың!
Сагынчым болгон үчүн,
А балким бактылуумун...

Жазындай жаштыгымдын,
Жарк этип... жакшы кылдың!
Жактыруу болгон үчүн,
А балким бактылуумун.

Арзыдым, азгырылдым,
Адаштың… жакшы кылдың.
Арманым болгон үчүн,
А балким бактылуумун.

Жамгырлуу түндөй болуп,
Жаркыбай күндөй болуп,
Бактылуу кылдың мени,
А балким сүйбөй коюп.

Жайнабай жаздай болуп,
Бар сырым ачпай коюп,
Бактылуу кылдым сени,
А балким жакпай коюп...